عجباني شخصيته - سينجل

اللى بحبه لقيته فيه

عجبانى اوى شخصيته

احكى عليه ايه ولا ايه

عن شجاعته وجراته

هو الله اكبر عليه

يتحسد على رقته

اللى فى ايده كمان مش ليه

من كرمه وحنيته

كل الناس بتقول عليه

راجل قد كلمته

قلبى وجعنى واعمل ايه

انا مشدودة من ناحيته

كذاب اوي وحموت عليه

هيجنني بضحكته

اه يانا من كلامه وابتسامته يانى

عليه عيون لكن مدوخانى

بدوب وبنسى اسمى لو نادانى

وبنسى نفسى من سلام ايديه

اه يانا من كلامه وابتسامته يانى

عليه عيون لكن مدوخانى

بدوب وبنسى اسمى لو نادانى

وبنسى نفسى من سلام ايديه

♪

انا على سيرته بقوم وبنام

وخلاص قربت احفظه

مهما اتقال فى حبيبى كلام

هو مالى مركزه

لو كان واقف وسط كام

لو بين الف بميزه

من خوفي عليه من الايام

أنا بدعي الله يحفظه

لو فى الدنيا فى منه اتنين

كانت الدنيا اتغيرت

وياريت الناس التنين

كانت منه اتعلمت

بس دة كل فين وفين

لو وسامته اتكررت

اه يانا من كلامه وابتسامته يانى

عليه عيون لكن مدوخانى

بدوب وبنسى اسمى لو نادانى

بنسى نفسى من سلام ايديه

اه يانا من كلامه وابتسامته يانى

عليه عيون لكن مدوخانى

بدوب وبنسى اسمى لو نادانى

بنسى نفسى من سلام ايديه