background cover of music playing
Walla Ma Aayez - Cairokee

Walla Ma Aayez

Cairokee

00:00

03:34

Song Introduction

أغنية "Walla Ma Aayez" لفرقة Cairokee المصرية تعد من أبرز الأعمال في مشهد الموسيقى العربية المعاصرة. تتميز الأغنية بإيقاعاتها القوية وكلماتها التي تعكس مشاعر الشباب وآمالهم في التغيير والتحول الاجتماعي. تتميز الفرقة بأسلوبها الفريد الذي يمزج بين الروك التقليدي والألحان الحديثة، مما يجعل الأغنية جذابة ومؤثرة على الجمهور. لاقت "Walla Ma Aayez" استحساناً واسعاً على منصات التواصل الاجتماعي والمهرجانات الموسيقية، مؤكدة مكانة Cairokee كواحدة من الركائز الأساسية في الموسيقى العربية الحديثة.

Similar recommendations

Lyric

والله ما عايز غير بيت

فيه واحدة الصبح بتفرد ضفايرها

وعيال بتقوم من النوم

تجري عليا من غير حتى ما تفتح عينها

والله ما عايز غير كوباية شاي

وبوسة حب ورضا بالحال

وجرايد أخبارها عال

وابتسمات الناس في الشارع

ترجع تاني زي زمان

وصباح الفل في وشك دايمًا من عسكري مهموم تعبان

نفسه يسلم خدمة ويجري يروح بيته ينام

من كمسري زهقان من الزحمة، من تاكسي في شارع غرقان

والله ما عايز إلا تلاتة جنية تمن الدمغة وختم النسر

وكوباية شاي لموظف غلبان

والله ما عايز إلا بطاقتي يا ناس حتى ولو من غير عنوان

والله ماعايز غير الشغل لا كلام يعني ولا حديت

ولا قالوا وقولنا ولت وعجن وحواديت

ولا ذر ونم وهيصة فاضية وتخبيط

قوم أقف وأنت بتتكلم

ضحكة غش وتظبيط

والله ما عايز حد عبيط

والله ما ناقص تنطيط

والله ما عايز بعد الشغل غير إني أروح

تعبان من الحر وبطوح

وألقى حبيبة قلبي بتضحك

وألقى طراوة بيت بتخدني ترد الروح

هم الدنيا في لحظة يروح

وألقى عيالي بيجروا عليا ويحضنوا فيا

ياخدوا الشنطة يقلبوا فيها

ياخدوا الحاجة الحلوة ويجروا

وبعد الضهر أقرا الجرنال

وأنتي يا أجمل شئ في الدنيا

واقفة بتكوي لي القمصان

وتبصيلي وأنا تعبان

والله ما عايز غير حضنك وأتغطى وأنام

- It's already the end -